Kabineti i Presidentit të Republikës së Maqedonisë Veriut, Stevo Pendarovski, demanton plotësisht deklaratën e ish kryetarit të Bashkësisë Fetare Islame, Sulejman Rexhepi, të dhënë në emisionin “Click Plus”- TV21.
Presidenti Stevo Pendarovski, as para dhe as menjëherë pas zgjedhjeve, nuk ka patur ndonjë komunikim të drejtpërdrejtë ose indirekt me kryetarin e atëhershëm të BFI-së, që tregon qartë se pretendimet e bëra nga Rexhepi janë plotësisht të trilluara.
Presidenti Pendarovski u zgjodh në mënyrë legjitime dhe ligjore, në zgjedhje korrekte dhe demokratike, gjë që konfirmohet në të gjitha raportet e OSBE / ODIHR.
Konsiderojmë se deklarata të tilla nga Sulejman Rexhepi janë joserioze dhe të pahijshme, duke pasur parasysh rolin e tij të mëparshëm në Bashkësinë Fetare Islame..
