Presidenti Stevo Pendarovski sot mori pjesë në festimin e 25 vjetorit të hapjes së Delegacionit të Bashkimit Evropian në Shkup.
Duke e uruar përvjetorin, Presidenti Pendarovski shprehu kënaqësinë nga zhvillimi i deritanishëm i marrëdhënieve midis Republikës së Maqedonisë së Veriut dhe Bashkimit Evropian dhe vlerëso se në çerek shekullin e kaluar Delegacioni është partner i besueshëm në zhvillimin e përgjithshëm të shtetit.
Presidenti Pendarovski theksoi se shteti mbetet i përkushtuar ndaj procesit negociues, si dhe ndaj zbatimit të të gjitha reformave të domosdoshme për plotësimin e kushteve për anëtarësim në Bashkimin Evropian, duke e theksuar bindjen e tij se ëndrra për Evropën e bashkuar nuk do të jetë e plotë pa integrimin e shteteve si Republika e Maqedonisë së Veriut, të cilat janë pjesë gjeografike dhe e rëndësishme e kontinentit tonë të përbashkët.