Presidenti i Republikës së Maqedonisë së Veriut, Stevo Pendarovski,me nderimet më të larta shtetërore dhe ushtarake, sot u prit nga presidenti i Republikës së Polonisë, Andzhej Duda.
Pas takimit tet-a-te Pendarovski – Duda, delegacionet e dy shteteve mbajtën takim plenar, në të cilin i konfirmuan marrëdhëniet miqësore dhe dialogun politik. Polonia është mbështetëse e vazhdueshme e integrimeve evropiane dhe gjatë vizitës së presidentit pritet të riafirmohet përkrahja për Maqedoninë e Veriut për të filluar negociatat për BE-në.
Presidenti Pendarovski do të realizojë takime bilaterale me Mareshalin e Sejmot, Elzhbjeta Vitel dhe me Mareshalin e Senatit, Tomazh Grocki.
Në kuadër të vizitës zyrtare, presidenti Pendarovski do të takohet edhe me sllavistë dhe maqedonistë të shquar, të cilët jetojnë dhe punojnë në Republikën e Polonisë.
Gjatë vizitës zyrtare në Republikën e Polonisë, presidenti Pendarosvki është i shoqëruar nga bashkëshortja e tij, Elizabeta Gjorgievska.