Presidenti Stevo Pendarovski u takua me ministrin për çështje evropiane dhe ndërkombëtare të krahinës federative gjermane Rajna Veriuoe – Vestfalia, Shtefan Holthof-Fertner, ku u konstatua se Republika e Maqedonisë së Veriut dhe Republika Federative e Gjermanisë ndërtojnë vazhdimisht marrëdhënie miqësore dhe partnere.
Presidenti Pendarovski vlerësoi se bashkëpunimi me Rajnën Veriore-Vestfalinë, krahinën më të madhe federative gjermane e pasuron pa dyshime edhe bashkëpunimin e përgjithshëm bilateral dhe lidhjet miqësore me Gjermaninë, e verifikuar dhe nëpërmjet deklaratës së përbashkët të nënshkruar për bashkëpunim midis Maqedonisë së Veriut dhe Rajnës Veriore-Vestfalisë. Në këtë kontekst është riafirmuar edhe bashkëpunimi bilateral i cili edhe përkrah sfidave me pandeminë, është ende në nivel të lartë.
Në fokusin e bisedës ishin eurointegrimet, dosja jonë evropiane në këtë kontekst, si dhe ngjarjet gjeopolitike në fqinjësinë më të gjerë dhe ndikimi i invazionit ushtarak rus mbi Ukrainën, pikërisht në politikën e zgjerimit të BE-së me vendet e Ballkanit Perëndimor.
Presidenti Pendarovski duke shprehur falënderim për mbështetjen e vazhdueshme dhe parimore gjermane, informoi mbi sfidat e fundit të cilat Maqedonia e Veriut i ka në rrugën drejt BE-së, duke theksuar se hapja e bisedimeve të negociatave aderuese me Maqedoninë e Veriut dhe Shqipërinë, jo vetëm që është një hap i merituar dhe logjik pas vendimit të Këshillit të BE-së në mars të vitit 2020, por në kontekstin e sotëm edhe çështje sigurie e rëndësishme për stabilitetin dhe prosperitetin e rajonit, si dhe të vetë Bashkimit. Pendarovski rakomandoi se BE-ja duhet të ndërmarrë hap strategjik dhe qëndrim parimor ndaj vendeve të cilat dëshmuan harmonizim të tërësishëm me politikën e jashtme të Bashkimit, si partnerë të tyre të vërtetë dhe të besueshëm, duke ndarë të njëjtat vlera të botës së lirë dhe demokratike.
