Presidenti Stevo Pendarovski sot e mirëpriti shefin e Delegacionit të Bashkimit Evropian në Republikën e Maqedonisë së Veriut, ambasadorin Dejvid Gir, i cili ia dorëzoi raportin e Komisionit Evropian mbi përparimin e Republikës së Maqedonisë së Veriut për vitin 2021.
Presidenti Pendarovski shprehu kënaqësi që Komisioni Evropian e konstatoi përsëri përparimin e Republikës së Maqedonisë së Veriut në përmbushjen e reformave të nevojshme dhe në raport e riafirmoi përgatitjen e shtetit për fillim të negociatave aderuese për anëtarësim në Bashkimin Evropian.
Presidenti Pendarovski shprehu pritjen për miratimin e shpejtë të kornizës negociuese nga Këshilli i BE-së dhe caktimin e Konferencës së parë ndërqeveritare midis Bashkimit Evropian dhe Maqedonisë së Veriut e cila do të shënojë fillimin e negociatave aderuese, në përputhje me rekomandimet e Komisionit Evropian.
Në këtë takim, biseduan mbi vlerësimet në këtë raport, i cili sipas Presidentit Pendarovski përfaqëson një pamje objektive mbi gjendjet në shtet.
