Presidenti Stevo Pendarovski sot e mirëpriti Xhejms Rubin, përfaqësues special dhe koordinator i Qendrës për angazhim global i Departamentit të Shtetit amerikan.
Në këtë takim u bisedua mbi përpjekjet dhe mënyrat për ballafaqim me dezinformacionet dhe ndikimet e tyre mbi zhvillimin e proceseve demokratike në nivel global.
Presidenti Pendarovski vlerësoi se dezinformacionet kanë potencial të ndikojnë mbi proceset e mëdha politike dhe qytetare edhe te ne edhe në botë dhe prandaj janë një prej kërcënimeve me prioritet mbi sigurinë nacionale në shumë shtete. Në këtë drejtim e theksoi nevojën për investim të përhershëm në resurse dhe shkathtësi për dallimin dhe zbulimin e tyre, si dhe krijimin e strategjive nacionale për përgjigje të gjerë ndaj dezinformacioneve.
Presidenti e theksoi përkushtimin e Maqedonisë së Veriut që të vazhdojë të punojë aktivisht në përforcimin e rezistencës ndaj dezinformacioneve, në parandalimin dhe zvogëlimin e ndikimeve të dëmshme, duke e përfshirë edhe rezistencën ndaj fushatave të dezinformacioneve të cilat kanë për qëllim të nxitin ndjenjat antiperëndimore te qytetarët maqedonas, si dhe të mbrojnë alternativa të paqarta të integrimeve evropiane.
