Presidenti Stevo Pendarovski, sot e mirëpriti sekretaren shtetërore për Evropën të Republikës Franceze, Lorans Bun.
Në këtë takim u theksua miqësia dhe përparimi i marrëdhënieve midis dy shteteve dhe përpjekjet e investuara franceze për hapjen e negociatave aderuese të Maqedonisë së Veriut me Bashkimin Evropian.
Presidenti Pendarovski, duke shprehur përgatitjen për vazhdimin e mëtejshëm të dialogut politik intensiv në nivel të lartë, shprehu falënderim për mbështetjen nga Franca në aspektin e integrimeve tona evropiane, si dhe fokusin e bashkëpunimit bilateral, ku është përshëndetur nënshkrimi i Marrëveshjes për përforcim të bashkëpunimit në mbrojtje.
Bashkëfolësit biseduan edhe për negociatat për anëtarësim në BE, vijimin e procesit të skriningut, si dhe fazat e ardhshme të cilat duhet të plotësohen si pjesë e procesit për negociata aderuese të Republikës së Maqedonisë së Veriut me Bashkimin Evropian.