Presidenti Stevo Pendarovski sot e mirëpriti ministrin e Evropës së Mbretërisë së Bashkuar dhe Irlandës së Veriut, Leo Dokerti, i cili është për vizitë në Republikën e Maqedonisë së Veriut.
Në këtë takim u bisedua mbi zhvillimin e marrëdhënieve të përgjithshme midis dy shteteve, si dhe mbi gjendjet aktuale në rajonin më të gjerë.
Në këtë takim, Presidenti Pendarovski tha se Republika e Maqedonisë së Veriut i kushton rëndësi të madhe zhvillimit të marrëdhënieve dhe bashkëpunimit me Mbretërinë e Bashkuar, duke përfshirë edhe marrëdhëniet e fuqishme partnere në NATO, në një kohë kur po ballafaqohemi me sfida globale.
Presidenti Pendarovski e theksoi rëndësinë e mbështetjes së përgjithshme britanike në proceset reformuese në shtetin tonë, në funksion të aspirimeve për anëtarësim në Bashkimin Evropian.
Në këtë takim u bisedua edhe për ndikimin e invazionit rus mbi Ukrainën mbi stabilitetin dhe sigurinë në kontinentin evropian.
