Takimi i Presidentit Pendarovski me Matej Zakonjshek, drejtor i Sekretariatit të Komunitetit të Transportit të EJL-së

7 Qershor 2021 | Takimet

Presidenti Stevo Pendarovski sot e mirëpriti drejtorin e Sekretariatit të Komunitetit të Transportit të EJL-së, Matej Zakonjshek.

Në takim u bisedua për integrimin e vendeve të Ballkanit Perëndimor në tregun e transportit të BE-së, i cili kërkon domosdoshmërisht zbatimin e reformave dhe miratimin e ligjve të BE-së.

Drejtori Zakonjshek e informoi Presidentin Pendarovski mbi punën e Sekretariatit të Komunitetit të Transportit të EJL-së dhe mbi segmentet që lidhen me transportin dhe lëvizshmërinë, siç është siguria e rrugëve, investimet dhe reformat për rrugët dhe hekurudhat, si dhe lehtësimin e tregtisë. Si një nga aktivitetet kryesore, ai theksoi përfshirjen e Korridoreve të Gjelbra në Ballkanin Perëndimor gjatë pandemisë  të Kovid-19, në mënyrë që të lehtësojë qarkullimin e mallrave, thelbësore për t’u ballafaquar me pandeminë dhe shpjegoi përpjekjet për ta shtrirë këtë koncept edhe në kufijtë me vendet e BE-së.

Presidenti Pendarovski në takim vuri në dukje se Republika e Maqedonisë së Veriut është plotësisht e përkushtuar në përmbushjen e agjendës evropiane dhe theksoi se investimi në një sistem cilësor dhe efikas të transportit ka rëndësie të madhe për zhvillimin e ekonomisë dhe cilësinë më të lartë të jetës së qytetarëve.

Në takim gjithashtu u bisedua për planin e investimeve ekonomike të BE-së për Ballkanin Perëndimor dhe përfshirjen e kësaj organizate ndërkombëtare në procesin e shqyrtimit të kërkesave që dorëzohen nga partnerët rajonalë për të përmirësuar dhe kompletuar korridoret trans-evropiane, të cilët shtrihen në të gjithë rajonin.

 

Категории

Categories

Kategori

Последни вести

Latest news

Lajmet e fundit

Pendarovski: VMRO-DPMNE nuk ka ofertë thelbësore për qytetarët

Pendarovski: VMRO-DPMNE nuk ka ofertë thelbësore për qytetarët

VMRO-DPMNE në mungesë të ideve dhe të ofertës thelbësore për qytetarët vazhdon të përdorë zhargonin rrugor dhe frazat e konsumuara, duke u përpjekur që ta diskreditojë Presidentin Pendarovski dhe reputacionin e tij. Me komunikimin e tillë politik VMRO-DPMNE-ja nuk do...

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Në suazat e aktivitetit “Kabinet i hapur”, sot Kabinetin e Presidentit e vizituan fëmijët e Kopshtit të fëmijëve “8 Prilli” nga Shuto Orizari, dhe nxënësit e shkollave nëntëvjeçare “Dimitar Makedonski” nga Aerodromi, “Kiro Gligorov” nga Qendra dhe “Kuzman Josifovski...