Presidenti Stevo Pendarovski sot i priti përfaqësuesit e Lidhjes së organizatave joqeveritare turke në Maqedoni – MATUSITEB, që në vetvete bashkon 60 organizata joqeveritare të cilat e përfaqësojnë bashkësinë turke në Republikën e Maqedonisë së Veriut.
Në këtë takim përfaqësuesit e MATUSITEB e prezantuan punën dhe aktivitetet e përgjithshme të organizatës në lidhje me ruajtjen dhe promovimin e identitetit nacional dhe kulturor të bashkësisë turke në shtetin tonë.
Përfaqësuesit e MATUSITEB e informuan Presidentin Pendarovski për formimin dhe aktivitetet e Trupit nacional koordinues për regjistrimin e popullit turk në Republikën e Maqedonisë së Veriut, si dhe për përpjekjet e tyre për zbatimin e regjistrimit të suksesshëm.
Presidenti Pendarovski shprehu mbështetje të përpjekjeve të organizatës për përfaqësimin përkatës dhe të drejtë në komisionet e regjistrimit, me qëllim që rezultatet e këtij procesi ta japin pamjen reale të terrenit.