Në ceremoni me nderimet më të larta shtetërore dhe ushtarake Presidenti Pendarovski sot e mirëpriti Presidenten e Republikës Sllovake, Zuzana Çaputova, e cila është në vizitë zyrtare në Republikën e Maqedonisë së Veriut.
Presidenti Pendarovski dhe Presidentja Çaputova mbajtën takim tet-a-tet, kurse më pas u mbajt takim plenar i të dy delegacioneve.
Në fokusin e bisedimeve janë marrëdhëniet bilaterale, përvojat sllovake nga procesi i anëtarësimit në BE, aleanca në NATO dhe sfidat e sigurisë në rajon dhe në Evropë.
Presidenti Pendarovski e falënderoi për mbështetjen e sinqertë sllovake për eurointegrimet maqedonase dhe tha se procesi ynë i qasjes fillon në një moment kritik për arkitekturën evropiane të sigurisë. Ai shprehu pritjen nga vendet anëtare të Bashkimit për një qasje më dinamike dhe prokative në zgjerimin e Bashkimit Evropian.
Pas përfundimit të takimit plenar të delegacioneve, është paraparë Presidenti Pendarovski dhe Presidentja Çaputova do të mbajnë konferencë të përbashkët për shtyp në orën 11:10 minuta.