Presidentja Gordana Siljanovska Davkova, në prag të 22 Nëntorit – Ditës së Alfabetit të Gjuhës Shqipe, mirëpriti nxënës dhe mësimdhënës nga shkolla fillore komunale “Kongresi i Manastirit” nga Shkupi.
Në këtë takim, nxënësit e njohën Presidenten Siljanovska Davkova me interesat e tyre, ambiciet personale dhe afinitetet në zhvillimin aktual arsimor, si dhe patën mundësinë që të informohen drejtpërdrejt mbi punën, si dhe mbi sfidat që dalin nga funksioni i Presidenti.
Presidentja Siljanovska Davkova e theksoi rëndësinë e mbrojtjes dhe promovimit të të drejtave të fëmijëve dhe të arsimit cilësor, i cili do të prodhojë të rinj shumë të kualifikuar, ambiciozë dhe të lumtur, të cilët janë e ardhmja e çdo shteti. Në këtë drejtim, Presidentja u rekomandoi nxënësve që të besojnë në vetvete, të jenë të ndershëm dhe vetëmohues, t’i qasen me përkushtim realizimit të dëshirave dhe ëndrrave të tyre.
Në bashkëbisedimin me nxënësit dhe mësuesit e shkollës “Kongresi i Manastirit”, Presidentja dërgoi urime me rastin e Ditës së Alfabetit të të Gjuhës Shqipe – 22 Nëntorit, duke theksuar rolin kyç të stafit mësimor në krijimin e një cilësie, efektive dhe të një procesi frymëzues arsimor.
Nxënësit gjatë qëndrimit në Kabinet i panë sallat ku mbahen manifestimet, mbledhjet dhe ceremonitë, u njohën me funksionimin e institucionit, si dhe me kompetencat e Presidentit në sistemin shtetëror dhe politik maqedonas.
