Presidenti Stevo Pendarovski sot në Ohër u takua me Presidentin e Republikës së Sllovenisë, Borut Pahor, i cili merr pjesë në konferencën ndërkombëtare “Forumi i Prespës për dialog”.
Në këtë takim u bisedua mbi marrëdhëniet e përgjithshme bilaterale midis Republikës së Maqedonisë së Veriut dhe Republikës së Sllovenisë, që karakterizohen nga dialogu i hapur dhe miqësor në të gjitha nivelet.
Të dy presidentit shkëmbyen mendime mbi gjendjen aktuale lidhur me aspirimet e vendeve të Ballkanit Perëndimor për anëtarësim në Bashkimin Evropian. Duke i uruar sukses me kryesimin aktual gjashtëmujor slloven me Bashkimin, Presidenti Pendarovski shprehu pritjen që kjo të sjellë lëvizje në lidhje me procesin e integrimit për vendet e Ballkanit Perëndimor.
Presidenti Pendarovski theksoi se Republika e Maqedonisë së Veriut është shembull pozitiv për gjendjen e zgjidhjeve për sfidat e brendshme dhe çështjet e hapura me fqinjët dhe tha se zhbllokimi i rrugës së saj integrues është një nga parakushtet e rëndësishme për prosperitet dhe stabilitet të shtetit, por edhe të rajonit më gjerë.
