Diskutim në panel “Arsimi digjital – prioritet për arritjen e barazisë gjinore”

8 Mars 2023 | Kumtesat

Me iniciativën e bashkëshortes së Presidentit, Elizabeta Gjorgievska, sot në Kabinetin e Presidentit u mbajt diskutimi në panel me temë “Arsimi digjital – prioritet për arritjen e barazisë gjinore”. Evenimenti u organizua me rastin e 8 Marsit – Ditës Ndërkombëtare të Gruas.

Në fjalimin e vet para të pranishmëve, bashkëshortja e Presidentit theksoi se zhvillimi i teknologjive informatike dhe të komunikimit e zmadhuan nevojën për shkathtësi dhe njohuri të reja edhe përkrah arsimit të lartë, shkrim-leximi digjital dhe në internet sot është një mjet i rëndësishëm për përforcimin ekonomik të grave. Nëpërmjet sigurimit të shkathtësive digjitale, grave u mundësohet edhe mundësia për biznes personal, për pavarësi financiare, për realizim të të drejtave të veta, theksoi znj. Gjorgievska.

Evenimenti u zhvillua në dy diskutime në panë ku mori pjese shefi i Delegacionit të Bashkimit Evropian në Shkup, Dejvid Gir, shefja e zyrës së OKB-së për Gratë në Maqedoninë e Veriut, Vensa Ivanoviq-Kastared, drejtoresha e përgjithshme dhe pronarja e Semos edukim, Valentina Taseva, drejtoresha e përgjithshme dhe bashkëthemeluesja e kompanisë TI Digikjub (Digicube), Vlora Ademi, kryetarja e Këshillit nacional për barazi gjinore, Savka Todorovska, dirigjentja në Operën dhe baletin maqedonas, Bisera Çadllovska, Frosina Gjorgievska, fermere nga Rajoni i Prespës dhe Iskra Geshoska, këshilltare për çështje nga fusha e kulturës e Presidentit të Republikës së Maqedonisë së Veriut.

Këtë vit, Kombet e Bashkuara, Ditën Ndërkombëtare të Gruas e shënon me temën “DigitALL: Inovacione dhe teknologji për barazi gjinore”.

Në vijim është teksti i fjalimit të bashkëshortes së Presidentit, Elizabeta Gjorgievsla.

Të nderuar të pranishëm,

Më gëzon mundësi që sot mund ta festojmë së bashku 8 Marsin – këtë ditë në të cilën i kujtojmë të gjitha përpjekjet për arritjen e barazisë sociale, politike dhe ekonomike të grave, çrrënjosjen e diskriminimit dhe luftën kundër dhunës së bazuar në gjini.

Këtë vit, tema e Kombeve të Bashkuara për ditën e grave u kushtohet inovacioneve dhe teknologjisë; në atë drejtim edhe ne sot fokusohemi mbi temën “Arsimi digjital – prioritet për arritjen e barazisë gjinore”.

Zhvillimi i teknologjive informatike dhe komunikuese e zmadhon nevojën për shkathtësi dhe njohuri të reja. Përveç arsimit të lartë, shkrim-leximi digjital dhe në internet në kohën moderne është një mjet i rëndësishëm për përforcimin ekonomik të grave. Nëpërmjet sigurimit të shkathtësive digjitale, grave u jepet mundësi për biznes personal, për pavarësi financiare, për realizim të të drejtave të veta.

Me zmadhimin e shkrim-leximit digjital, do të mund të lehtësohen shumë çështje që lidhen me pabarazinë digjitale. Një nga raportet e fundit të Forumit ekonomik botëror për hendekun gjinor global konfirmon se në shumicën e profesioneve të së ardhmes ka pabarazi të madhe midis grave dhe burrave. Pabarazi në shumën e të hyrave, në mundësinë për përparim në profesion, në fitimin e mundësive dhe vizibilitetit të barabartë gjatë përparimit profesional. Hartimi i fundit i sektorit TI në Maqedoninë e Veriut i kryer vitin e kaluar e konfirmon problemin e dukshëm në përfaqësimin e grave në këtë industri, duke e stereotipizuar më shpesh si profesion për meshkujt. Në këtë hulumtim janë të dukshme dallimet në pozitat seniore dhe menaxhuese midis grave dhe burrave.

Kjo ndarje është më e madhe pikërisht në sektorët që kërkojnë shkathtësi dhe njohuri inovative digjitale dhe teknike, kurse mbi to bazohet ekonomia digjitale. Pabarazia e tillë e mundësive e ngadalëson zhvillimin ekonomik. Me qëllim që ta zvogëlojmë këtë humnerë gjinore nevojitet që të gjithë së bashku të gjejmë zgjidhje për të mirën e të gjithë shoqërisë.

Teknologjitë digjitale mundësojnë shkathtësi të reja dhe aktivitete ekonomike të grave. Por që të mos bëhen një fushë e re e diskriminimit të grave, është e domosdoshme që sa më shumë gra ta ndjekin thirrjen e vet jetësore dhe profesionale dhe ta zënë vendin e vet në fushat STEM.

Të angazhohemi për një pjesëmarrje sa më të madhe të grave dhe në profesionet e reja, inovative. Në këtë mënyrë do të mundësojmë që gratë të bëhen pjesë vitale e ekonomisë digjitale.
Përveç ditës së sotshme, çdo ditë duhet të jemi të zëshme për realizimin e rrogave të barabarta, mundësive të barabarta, të drejtave të barabarta, siç është edhe hashtagu kryesor për festën ndërkombëtare, kurse në kontekst të pasurimit digjital: – #EmbraceEquity – ta përqafojmë barazinë.

Ju faleminderit.

Категории

Categories

Kategori

Последни вести

Latest news

Lajmet e fundit

Pendarovski: VMRO-DPMNE nuk ka ofertë thelbësore për qytetarët

Pendarovski: VMRO-DPMNE nuk ka ofertë thelbësore për qytetarët

VMRO-DPMNE në mungesë të ideve dhe të ofertës thelbësore për qytetarët vazhdon të përdorë zhargonin rrugor dhe frazat e konsumuara, duke u përpjekur që ta diskreditojë Presidentin Pendarovski dhe reputacionin e tij. Me komunikimin e tillë politik VMRO-DPMNE-ja nuk do...

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Në suazat e aktivitetit “Kabinet i hapur”, sot Kabinetin e Presidentit e vizituan fëmijët e Kopshtit të fëmijëve “8 Prilli” nga Shuto Orizari, dhe nxënësit e shkollave nëntëvjeçare “Dimitar Makedonski” nga Aerodromi, “Kiro Gligorov” nga Qendra dhe “Kuzman Josifovski...