Presidenti Stevo Pendarovski, i cili ishte për vizitë në Republikën Italiane dhe në Selinë e Shenjtë, me rastin e manifestimit “Maqedonia për nder të Shën. Kirilit”, sot kishte audiencë te Kreu i Kishës Katolike Romake, Shenjtëria e Tij Papa Françesku.
Në këtë takim u theksuan marrëdhëniet e përkryera bilaterale midis Republikës së Maqedonisë së Veriut dhe Selisë së Shenjtë, të cilat bazohen në lidhjet e thella historike, vlerat dhe traditat e përbashkëta kulturore dhe shpirtërore.
Presidenti Pendarovski e riafirmoi interesin për thellim të marrëdhënieve me Selinë e Shenjtë, në të gjitha sferat e interesit të përbashkët dhe e theksoi rëndësinë e bashkësisë katolike në Maqedoninë e Veriut dhe kontributin e saj në shoqërinë tonë.
Presidenti Pendarovski e vuri në pah edhe rëndësinë që shteti ynë ua kushton promovimit të dialogut ndërfetar dhe respektimit të lirive fetare
Pas audiencës te Shenjtëria e Tij, Papa Françesku, Presidenti Pendarovski u takua edhe me sekretarin shtetëror të Selisë së Shenjtë, kardinalin, Pjetro Parolin.
