Presidenti Stevo Pendarovski, gjatë vizitës zyrtare në Republikën e Kosovës e vizitoi fabrikën “Vitaminka Trejd”, e cila është në Graçanicë dhe përfaqëson investimin e parë maqedonas-kosovar.
Gjatë kësaj vizite, Presidenti u takua me Rasim Mërlakun, konsullin e nderit të Republikës së Maqedonisë së Veriut në Repubikën e Kosovës dhe bashkëpronar dhe drejtor të “Vitaminka Trejd”
Mërlaku e njohu Presidentin Pendarovski me klimën e biznesit në Kosovë, volitshmëritë dhe mundësitë që i kanë në dispozicion investitorët e huaj.
Presidenti Pendarovski shprehu mbështetje për bashkëpunimin e përgjithshëm ekonomik midis Maqedonisë së Veriut dhe Kosovës dhe tha se kontaktet e shpeshta dhe takimet e bashkësive të biznesit të të dy vendeve janë mundësi e përkryer për përparim të marrëdhënieve të deritanishme ekonomike.
Në periudhën janar-gusht 2021 Kosova është ranguar në vendin e 11 në listën e vendeve me të cilat Maqedonia e Veriut realizon vëllimin më të madh të shkëmbimit tregtar dhe në vendin e tretë për eksportin nga vendi ynë.
