Presidenti Stevo Pendarovski, sot e priti ministrin e Mbrojtjes së Republikës Popullore të Kinës, gjeneralin Vei Fehghe, i cili është në vizitë në Republikën e Maqedonisë së Veriut.
Në këtë takim janë shkëmbyer mendime mbi marrëdhëniet e përgjithshme bilaterale midis dy vendeve, të cilat karakterizohen nga miqësia, respekti dhe mirëkuptimi i ndërsjellë.
Presidenti Pendarovski theksoi se Republika e Maqedonisë së Veriut, e cila është anëtare e NATO-s dhe shtet kandidat për anëtarësim në Bashkimin Evropian, do të bashkëpunojë me Republikën Popullore të Kinës në suazat e “Procesit të bashkëpunimit 17+1”.
Presidenti Pendarovski e falënderoi për ndihmën e përgjithshme teknike të dhënë nga Republika Popullore e Kinës e cila u realizua nëpërmjet projekteve në fusha të ndryshme. Presidenti Pendarovski e falënderoi veçanërisht për ndihmën e dhënë në luftën kundër kovid-19, nëpërmjet dhënies së mjeteve financiare dhe pajisjeve mbrojtëse.
Presidenti Pendarovski i theksoi pritjet për finalizimin e shpejtë të furnizimit me vaksina nga kompania “Sinofarm”, që është me rëndësi të veçantë për realizimin pa ndërprerje të imunizimit masiv të popullatës kundër kovid-19.
