Presidenti Stevo Pendarovski sot e mirëpriti Presidenten e Republikës së Kosovës, Vjosa Osmani-Sadriu, e cila qëndroi në vizitë zyrtare në Republikën e Maqedonisë së Veriut.
Presidenti Pendarovski dhe Presidentja Osmani-Sadriu mbajtën takim tet-a-tet, pas të cilit vijoi takimi plenar i të dy delegacioneve.
Në fokusin e bisedave janë marrëdhëniet e përgjithshme bilaterale midis Maqedonisë së Veriut dhe Kosovës dhe mundësitë për përparimin e tyre, perspektiva evropiane e të dy shteteve, ngjarjet aktuale në raport me dialogun Beograd-Prishtinë, si dhe gjendjet në rajonin më të gjerë, në kontekstin e luftës në Ukrainë.
Pas përfundimit të takimit plenar të delegacioneve, është paraparë që Presidenti Pendarovski dhe Presidentja Osmani-Sadriu të mbajnë konferencë të përbashkët për shtyp.
