Presidenti Stevo Pendarovski me rastin e festimit të 5 Dhjetorit – Ditës Ndërkombëtare të Vullnetarizmit sot bisedoi me vullnetarë nga rajonet dhe organizatat e ndryshme të Republikës së Maqedonisë së Veriut.
Në këtë bisedë morën pjesë vullnetarë nga Kryqi i Kuq, UNICEF-i, Lidhja e Skautëve të Maqedonisë, Shoqata SANO, si edhe studentë nga Fakulteti i Mjekësisë, si dhe doktorë vullnetarë të cilët po ndihmojnë në luftën kundër kovid-19.
Presidenti Pendarovski theksoi se e vlerëson lart angazhimin e tyre të tërësishëm vullnetar dhe rolin e tyre në mbështetje të bashkësisë dhe i inkurajon vullnetarët të vazhdojnë me aktivitetet e veta.
“Ju jeni shembull si duhet të jemi solidarë dhe të ndihmojmë. Kemi shumë se çfarë të mësojmë prej jush” u tha vullnetarëve Presidenti Pendarovski, duke shprehur falënderim për të gjithë kohën që e ndajnë që të ndihmojnë dhe të kontribuojnë në mirëqenien e shoqërisë sonë.
“Me kontributin tuaj vullnetar dëshmuar se mund të ndryshohet pozitivisht jeta e njerëzve rreth jush dhe sidomos e atyre që kanë më shumë nevojë”, theksoi Presidenti në bisedën me vullnetarët.
Vullnetarët i shkëmbyen përvojat e veta, nevojat dhe sfidat me të cilat ballafaqohen në situata krize, sidomos gjatë pandemisë dhe e theksuan nevojën për ngritjen e vetëdijes publike dhe mbështetjen për vullnetarizmin.
