Presidenti Pendarovski e mirëpriti fituesen e çmimit “Romani i vitit”, autoren Simona Jovanoska

18 Prill 2022 | Kumtesat

Presidenti Pendarovski e mirëpriti fituesen e çmimit “Romani i vitit” për vitin 2021, Simona Jovanoska, autore e romanit “Dita e krimbit”.

Presidenti e përgëzoi autoren duke i dëshiruar suksese të mëtejshme dhe shumë çmime prestigjioze për krijimtarinë e saj. Ai shprehu mirënjohje dhe respekt për të gjithë autorët të cilët me krijimtarinë e vet e pasurojnë opusin vendas në letërsi.

Në këtë takim, presidenti tha se artistët nuk krijojnë për çmime, por ato kontribuojnë për afirmimin e autorëve tanë dhe promovimin e gjuhës dhe letërsisë sonë, duke shtuar se mbështetja për autorët e rinj është shumë e rëndësishme për nxitjen dhe zhvillimin e punës së tyre.

Romani debutues i autores Simona Jovanoska, “Dita e krimbit” është shpërblyer në konkurrencë me 39 romane, kurse çmimin tradicionalisht e jep Fondacioni për përparim dhe promovim të vlerave kulturore “Sllavko Janevski”. Ky çmim është ndarë 23 herë deri më tani dhe i kushtohet romanit i cili në vitin vijues është botuar në gjuhën maqedonase.

 

Категории

Categories

Kategori

Последни вести

Latest news

Lajmet e fundit

Presidenti Pendarovski u takua me maratonistin Dario Ivanovski

Presidenti Pendarovski u takua me maratonistin Dario Ivanovski

Presidenti Stevo Pendarovski sot në parkun e qytetit në Shkup u takua me maratonistin Dario Ivanovski, i cili para disa ditësh vendosi rekord të ri maqedonas në maratonën në Sevilja, Spanjë, si dhe me trajnerin dhe menaxherin e tij, Igor Jakimovskin dhe atletin Zhan...