Presidenti Stevo Pendarovski sot e nënshkroi Dekretin për Ligjin e miratuar për amnisti, me të cilin parashikohet që personat e dënuar për vepra penale sipas nenit 205 “Transmetimi i sëmundjes ngjitëse” dhe nenit 206 “Mosrespektimi i dispozitave shëndetësore gjatë epidemisë” nga Kodi Penal, gjatë pandemisë së kovid-19, dënimi me të holla ose dënimi me burg të zëvendësohen me masë alternative dënim me kusht.
Në përputhje me këtë ligj, personat për të cilët dënimi me të holla është mbi 1.000 euro ose dënimi i shqiptuar është zëvendësuar me dënim me burg, do të marrin dënim me kusht prej tre vjetësh, kurse për ata persona për të cilët dënimi me të holla është deri në 1.000 euro ose dënimi i shqiptuar u është zëvendësuar me dënim me burg do të marrin dënim me kusht prej dy vjetësh, afat gjatë të cilit nuk duhet të bëjnë vepër të re penale.
Nga tre, apo dy vjet dënim me kusht do të marrin e dhe personat që e kanë paguar dënimin me të holla mbi 1.000 dhe deri në 1.000 euro, duke u çliruar kështu nga pagimi i pjesës së mbetur të dënimit me të holla, nëse nuk kryejnë vepër të re penale.
Në periudhën nga 01 janari 2020 deri më 30 qershor 2022, 1.223 persona janë dënuar me dënim në të holla prej 123.000 denarësh. Sipas dispozitave ligjore, nëse dënimet e vendosura nuk plotësohen brenda 2 viteve, gjykatësi për zbatimin e sanksioneve i zëvendëson me vendim me burg. Për shkak të mospagesës së gjobës, Gjykata Themelore Penale ka marrë vendime zëvendësuese, me të cilat gjoba është zëvendësuar me dënim me burg për 280 persona. Sipas të njëjtave vendime janë dhënë 205 akte referimi për vuajtje të dënimit me burg.
Nevoja për përparimin e kësaj gjendje imponohet nga numri i madh i lëndëve të tilla në Gjykatën Themelore Penale në Shkup. Që të tejkalohet kjo gjendje për këtë kategori të dënuarish për vepra penale sipas nenit 205 dhe nenit 206 të Kodit Penal, dënimi me të holla apo zëvendësimi i dënimit me të holla me dënim me burg, në përputhje me dispozitat e këtij ligji do të zëvendësohet me mare alternative dënim me kusht.
Me këtë ligj nuk parashikohet amnisti për personat juridikë dhe personat përgjegjës në personat juridikë të dënuar me aktvendim të plotfuqishëm me dënim me të holla, për veprat penale sipas nenit 205 dhe nenit 206 të Kodit Penal.
Amnistia ekziston dhe zbatohet në shumë shtete evropiane, kurse në shtetin tonë nga momenti i pavarësisë së tij janë miratuar shumë ligje për amnisti.
Nëpërmjet amnistisë mundësohet mënyrë e shpejtë dhe efikase në raste të caktuara të korrigjohen gabimet gjyqësore. Korrigjim të vendimi gjyqësor mund të imponojnë edhe shkaqe të tjera shtetërore-juridike dhe shoqërore-politike, ndërsa jo rrallë në një plejadë më të ndryshme shoqërore-ekonomike, veprimi i djeshëm i rrezikshëm për shoqërinë i humbet karakteristikat e tij më thelbësore dhe nëpërmjet amnistisë të hiqet më shpejt vendimi.
