Presidenti Pendarovski e vizitoi Institutin nacional për gjuhë dhe qytetërime orientale – INALKO në Paris

20 Mars 2023 | Kumtesat

Presidenti Pendarovski sot në Paris e vizitoi Institutin nacional për gjuhë dhe qytetërime orientale – INALKO, ku u takua me Zhan Fransoa-Hushe, kryetar i INALKO-s si dhe me Frosa Pejoska-Bushero, shefen e Katedrës së studimeve maqedonase në INALKO dhe Gjoko Zdravevskin, lektor i gjuhës maqedonase në institutin INALKO.

Në takimin me Zhan Fransoa-Hushe, kryetarin e këtij institucioni të njohur publik me karakter shkencor, kulturor dhe profesional, i cili është nën mbikëqyrjen e Ministrisë së Arsimit të Lartë, Kërkimit dhe Inovacionit të Francës, Presidenti Pendarovski u njoh me historinë e INALCO-s, që është krijuar në vitin 1795, si trashëgimtar i Shkollës së Gjuhëve Orientale të themeluar në vitin 1669, si dhe për hulumtime themelore të specializuara dhe të aplikuar të Institutit dhe kontributin e tij si vendtakim i kulturave botërore dhe për promovimin e diversiteti kulturor.

Bashkëbiseduesit shkëmbyen mendime për të ardhmen dhe pozicionin nga këndvështrimi shkencor dhe strategjik i gjuhëve të vogla, ku përfshihet edhe gjuha maqedonase, si dhe u bisedua mbi qasjen e INALKO-s, e cila mundëson shkëmbim dhe bashkëpunim të pasur akademik dhe kulturor ndërmjet Maqedonisë së Veriut dhe Francës.

Presidenti Pendarovski, duke shprehur kënaqësinë për ekzistencën dhe funksionimin pesëdhjetëvjeçar të Lektoratit të gjuhës maqedonase në kuadër të INALKO-s, theksoi se është jashtëzakonisht e rëndësishme që studimet maqedonase janë pranuar në kategorinë e disiplinës së rrallë shkencore, e cila siguron stabilitet në hulumtim dhe garanton njohjen, mbrojtjen dhe ruajtjen e maqedonologjisë në INALKO, me pamundësi të ndërthurjes me studime të tjera.

Në takimin me Frosa Pejoska-Bushero, shefen e Katedrës së studimeve maqedonase në INALKO, Gjoko Zdraveskin, ligjërues i gjuhës maqedonase në institutin INALKO, pedagogë dhe studentë, Presidenti Pendarovski u informua mbi punën e Katedrës së parë pedagogjike të maqedonologjisë, e themeluar jashtë shtetit tonë, si dhe për jubileun e madh – gjysmë shekulli nga hapja e Lektoratit të gjuhës maqedonase dhe iniciativat për thellimin e bashkëpunimit dhe investimin në zhvillimin e maqedonologjisë në Francë.

Profesorët informuan për punën e pandërprerë 50-vjeçare të Lektoratit të gjuhës maqedonase, për bashkëpunimin me Universitetin “Shën. Kirili dhe Metodi” në Shkup, si dhe për interesin në rritje për maqedonologjinë në INALKO. Gjatë vizitës në INALKO, Presidenti Pendarovski u takua edhe me profesorë, sllavistë, maqedonistë dhe studentë, të cilët i treguan përshtypjet dhe përvojat e tyre. Studentët janë nga e gjithë bota, Kongoja, Greqia, Shqipëria, Franca, por të gjithë me një dëshirë të mësojnë gjuhën maqedonase.

Vizita e Presidentit Pendarovski në Institutin nacional për gjuhët dhe qytetërimet orientale – INALKO në Paris është vizita e parë e një presidenti maqedonas në këtë institut të rëndësishëm i cili zbaton projekte kërkimore në më shumë se njëqind shtete dhe kryen trajnime të përbashkëta me universitetet e huaja dhe është një institut referimi për trajnimin dhe kërkimin e gjuhëve dhe qytetërimeve të sotme.

Presidenti Pendarovski është për vizitë pune në Paris, Republikën Franceze, me rastin e festimit të 100-vjetorit të lindjes së poetit maqedonas Aco Shopov dhe 30-vjetorit të anëtarësimit të Maqedonisë në UNESCO, ku nesër do të mbahet simpozium ndërkombëtar për nder të Aco Shopovit, shfaqje poetike dhe ekspozitë.

 

Категории

Categories

Kategori

Последни вести

Latest news

Lajmet e fundit

Pendarovski: VMRO-DPMNE nuk ka ofertë thelbësore për qytetarët

Pendarovski: VMRO-DPMNE nuk ka ofertë thelbësore për qytetarët

VMRO-DPMNE në mungesë të ideve dhe të ofertës thelbësore për qytetarët vazhdon të përdorë zhargonin rrugor dhe frazat e konsumuara, duke u përpjekur që ta diskreditojë Presidentin Pendarovski dhe reputacionin e tij. Me komunikimin e tillë politik VMRO-DPMNE-ja nuk do...

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Në suazat e aktivitetit “Kabinet i hapur”, sot Kabinetin e Presidentit e vizituan fëmijët e Kopshtit të fëmijëve “8 Prilli” nga Shuto Orizari, dhe nxënësit e shkollave nëntëvjeçare “Dimitar Makedonski” nga Aerodromi, “Kiro Gligorov” nga Qendra dhe “Kuzman Josifovski...