Presidenti Stevo Pendarovski mbajti fjalim para pjesëmarrësve në Forumin vjetor të “Iniciativës së Vjenës” organizator i të cilës është Banka Popullore e Republikës së Maqedonisë së Veriut.
Në fjalimin përshëndetës Presidenti Pendarovski tha se ky forum i Iniciativës për koordinim i Bankës Evropiane mbahet në kohën e krizave të shumta dhe të ndërlidhura që përforcohen midis tyre.
“Pandemi dhe invazionit rus i Ukrainës shkaktoi recesion, krizë energjetike dhe tronditje të çmimeve në tregjet globale. Borxhi publik dhe inflacioni po vazhdojnë të zmadhohen, kurse po thellohet edhe pabarazia midis shteteve dhe në shtetet. Këto sfida na ballafaqojnë me dilemën si të ruajmë stabilitetin financiar në epokën e pasigurisë së madhe”, theksoi Presidenti, duke shtuar se për zgjidhjen e çdo krize nevojitet koordinim dhe bashkëpunim.
“Edhe gjatë krizës financiare globale të vitit 2009 edhe gjatë krizës evropiane të borxhit, “Iniciativa e Vjenës” me shumë përgjegjësi, kontribuoi për ruajtjen e kredibilitetit të sistemit financiar dhe bankar. Stabiliteti financiar i Evropës Qendrore, Lindore dhe Juglindore lidhet natyrshëm me stabilitetin e sistemit më të gjerë financiar evropian dhe ndërkombëtar. Si rrjedhim, “Iniciativa e Vjenës” është roje e atij interesi të përbashkët për të cilin duhet të kontribuojmë të gjithë”, theksoi Presidenti Pendarovski.
Ai shprehu pritjen se ky bashkëpunim do të vazhdojë të jetë garanci e stabiliteti dhe parashikimit, sepse vetë së bashku mund t’i tejkalojmë krizat, t’i përdorim përfitimet nga digjitalizimi, të përshtatemi me Agjendën e gjelbër dhe në këtë mënyrë të ndërtojmë sisteme financiare dhe ekonomike që do të jenë shumë më të qëndrueshme ndaj tronditjeve potenciale.
“Iniciativa e Vjenës” është kornizë ndërkombëtare për bashkëpunim për ruajtjen e stabiliteti financiar në rajonin e Evropës Qendrore, Lindore dhe Juglindore.
Në Forumin e sivjetshëm marrin pjesë guvernatorë të bankave qendrore nga EQJL dhe përfaqësues të lartë të Bankës Evropiane Investuese, Bankës Evropiane për Rindërtim dhe Zhvillim, Fondit Monetar Ndërkombëtar, Bankës Botërore, Bankës Qendrore Evropiane dhe Komisionit Evropian, si dhe përfaqësues të sektorit bankar. Tema të forumit janë lëvizjet aktuale ekonomike në rajon, sfidat me të cilat ballafaqohen bankat qendrore në kushtet makroekonomike të pasigurisë së lartë ekonomike dhe gjeopolitike, si dhe ndryshimet strukturore me të cilat duhet të ballafaqohet sistemi financiar, para së gjithash në fushën e tranzicionit të gjelbër dhe pranimin e arritjeve të reja teknologjike dhe të digjitalizimit.
