Presidenti Stevo Pendarovski sot realizoi vizitë pune në Agjencinë e Zbulimit të Republikës së Maqedonisë së Veriut.
Presidenti u informua mbi aktivitetet aktuale në Agjencinë e Zbulimit, si dhe për bashkëpunimin e tyre ndërkombëtar me agjencitë dhe shërbimet partnere në sistemet ndërkombëtare të sigurisë dhe të Aleancës së NATO-s.
Gjatë vizitës, Presidenti Pendarovski u njoh me zbatimin e akteve të reja nënligjore të cilat dalin nga Ligji për Agjencinë e Zbulimit, me proceset e parashikuara operative-kundërzbuluese në kompetencën e tyre, si dhe me bashkëpunimin ndërinstitucional që realizohet me institucionet me veprimtari të ngjashme në shtet.
Në suazat e vizitës në Agjenci, Presidenti është informuar edhe mbi çështjet lidhur me gjendjen e sigurisë në rajon, ngjarjet aktuale në Evropë dhe më gjerë, në zonën euroatlantike.
