Presidenti Stevo Pendarovski, nesër, më 15 dhjetor 2021, do të qëndrojë në vizitë zyrtare në Republikën e Kosovës.
Në Prishtinë, Presidenti Pendarovski do të pritet me nderime shtetërore dhe ushtarake nga Presidentja e Republikës së Kosovës, Vjosa Osmani-Sadriu, më pas do të kenë takim tet-a-tet midis Presidentit Pendarovski dhe Presidentes Osmani-Kadriu dhe takim plenar midis delegacioneve të Republikës së Maqedonisë së Veriut dhe Republikës së Kosovës.
Presidenti Pendarovski do të takohet edhe me Kryetarin e Kuvendit të Republikës së Kosovës, Glauk Konjufca, dhe me Kryeministrin e Qeverisë së Republikës së Kosovës, Albin Kurti.
Në suazat e vizitës, Presidenti Pendarovski në Pejë do ta vizitojë Komandën rajonale të KFOR-perëndim dhe përfaqësuesit e kontingjentit maqedonas në përbërje të KFOR-it.
