Presidenti Pendarovski pranoi letrat kredenciale të ambasadorëve të sapoemëruar të Qipros dhe Iranit

2 Qershor 2021 | Kumtesat

Sot, Presidenti Stevo Pendarovski pranoi letrat kredenciale të Ambasadorëve të sapoemëruar të Republikës së Qipros dhe Republikës Islamike të Iranit në Republikën e Maqedonisë së  Veriut.

Në ceremoninë e dorëzimit të letrave kredenciale nga Dimitrios Teofillaktu, ambasadori i sapoemëruar i Republikës së Qipros, me seli në Beograd, presidenti Pendarovski tha se vendosja e marrëdhënieve diplomatike midis dy vendeve në gusht 2019 krijoi kushtet e nevojshme për intensifikimin e dialogut politik dhe për të thelluar marrëdhëniet dhe bashkëpunimin e ndërsjellë.

“Konkretisht, me kënaqësi dua të konstatojë gatishmërinë tonë për të intensifikuar bashkëpunimin ekonomik, në mënyrë që të shfrytëzojmë plotësisht potencialin ekonomik të dy vendeve tona, të inkurajojmë tregtinë, investimet dhe koordinimin e ndërsjellë në zhvillimin e turizmit,” tha Presidenti Pendarovski.

Në fjalimin e tij, Presidenti Pendarovski theksoi mbështetjen e vazhdueshme qipriote për procesin e integrimit evropian të vendit tonë dhe shtoi se  në periudhën e ardhshme pret afirmim më të fuqishëm të mbështetjes në institucionet evropiane.

Ambasadori Teofilaktu theksoi se pranimi i Maqedonisë së Veriut dhe vendeve të tjera kandidate nga Ballkani Perëndimor në Bashkimin Evropian është prioritet i lartë dhe se kjo mund të kontribuojë vetëm në stabilitetin dhe prosperitetin e rajonit dhe Evropës.

“Për të dhënë një shtysë të fortë, si në rrugën tuaj të integrimit evropian ashtu edhe në marrëdhëniet tona dypalëshe, ne duam të shkëmbejmë më shumë vizita, si në nivelin presidencial dhe atë ministror, ​​duke përfshirë takime të institucioneve të tjera përkatëse, të tilla si dhomat e tregtisë së dy vende.

Avancimi i mëtejshëm i bashkëpunimit ekonomik, tregtisë dhe turizmit ofron mundësi të mëdha për të dy vendet tona,” tha ambasadori Teofilaktu në ceremoninë e kredencializimit.

Duke vlerësuar se në periudhën e kaluar të dy vendet kanë ndërtuar marrëdhënie konstruktive , Presidenti Pendarovski në ceremoninë e dorëzimit të letrave kredenciale nga Sejed Mohamad Javad Rasuli, Ambasadori i sapoemëruar i Republikës Islamike të Iranit, me seli në Sofje, theksoi se mirëkuptimi dhe respekti i  ndërsjellë janë themeli i këtyre marrëdhënieve.

“Në këtë drejtim, më lejoni të theksoj gatishmërinë tonë për të rritur mëtej bashkëpunimin e ndërsjellë në fushat me interes të përbashkët, ku do të veçoja ekonominë, turizmin dhe kulturën. Ju siguroj se gjatë mandatit Tuaj do të vazhdojmë me aktivitetet dhe iniciativat për të arritur bashkëpunim akoma  më të madh në këto fusha,” tha Presidenti Pendarovski.

Duke theksuar se të dy vendet kanë një histori të gjatë dhe potencial të madh për zgjerimin e marrëdhënieve, Ambasadori Rasuli tha se në rrafshin ekonomik ka shumë kapacitete dhe fusha për bashkëpunim.

“Besoj se pikëpamjet e afërta politike, interesat e qarta ekonomike, afërsia e fuqishme kulturore dhe miqësia e ngushtë midis qeverive dhe popujve të të dy vendeve janë një bazë e fortë për zhvillimin e marrëdhënieve dhe prandaj jam i gatshëm që nëpërmjet konsultimeve me autoritetet maqedonase ta finalizoj dhe zbatoj agjendën për marrëdhëniet në të ardhmen”, përfundoi ambasadori Resuli.

Presidenti Pendarovski Ambasadorëve të sapoemëruar të Qipros, Dimitrios Teofilaktu dhe të Iranit, Sejed Mohamad Xhavad Rasul,  u dëshiroi sukses në ushtrimin e funksionit të përgjegjshëm diplomatik.

Категории

Categories

Kategori

Последни вести

Latest news

Lajmet e fundit

Pendarovski: VMRO-DPMNE nuk ka ofertë thelbësore për qytetarët

Pendarovski: VMRO-DPMNE nuk ka ofertë thelbësore për qytetarët

VMRO-DPMNE në mungesë të ideve dhe të ofertës thelbësore për qytetarët vazhdon të përdorë zhargonin rrugor dhe frazat e konsumuara, duke u përpjekur që ta diskreditojë Presidentin Pendarovski dhe reputacionin e tij. Me komunikimin e tillë politik VMRO-DPMNE-ja nuk do...

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Kabinet i hapur me fëmijët e Kopshtit të fëmijëve “8 Prilli” dhe nxënësit e shkollave nëntëvjeçare nga Shkupi “Dimitar Makedonski”, “Kiro Gligorov” dhe “Kuzman Josifovski Pitu”

Në suazat e aktivitetit “Kabinet i hapur”, sot Kabinetin e Presidentit e vizituan fëmijët e Kopshtit të fëmijëve “8 Prilli” nga Shuto Orizari, dhe nxënësit e shkollave nëntëvjeçare “Dimitar Makedonski” nga Aerodromi, “Kiro Gligorov” nga Qendra dhe “Kuzman Josifovski...