Në suazat e shënimit të 78-vjetorit të holokaustit të hebrenjve maqedonas, Presidenti Pendarovski, sot pasdite mbajti fjalim në evenimentin përkujtimor të organizuar nga Ambasada e Italisë në vendin tonë, kurse në bashkëpunim me bashkësinë hebraike në Maqedoninë e Veriut.
Duke nënvizuar se në këtë ditë në vitin 1943 pothuajse e gjithë bashkësia hebraike është mbledhur me dhunë dhe është deportuar në Treblinka, Presidenti Pendarovski theksoi se gjysma 7144 hebrenjve maqedonas të vrarë ishin fëmijë.
“Gjatë holokaustit, nazistët e kanë zhvilluar mënyrën më efikase që të shkatërrojnë një popull të tërë. Dhe pothuajse e arritën këtë qëllim monstruoz. Gjatë Luftës së Dytë Botërore janë vrarë mbi gjashtë milionë hebrenj. Të gjithë ishin depersonalizuar, dehumanizuar dhe shkatërruar sistematikisht”, theksoi Presidenti Pendarovski.
Në suazat e këtij evenimenti, Presidenti Pendarovski bisedoi me Enzo Merlon, regjisorin e filmit dokumentar “70072: Vogëlushja që nuk dinte të urrente” dhe me protagonisten kryesore Lidija Maksimoviç, një nga disa mijëra të përjetuar nga llogorja e vdekjes, Aushvic.
“Mesazhi i të mbijetuarve është i qartë. Ata nuk nxitin urrejtje, sepse urrejtja e shkatërron më shumë atë që urren. Ata nuk kërkojnë as hakmarrje, sepse hakmarrja e thellon padrejtësinë. Ata kërkojnë të përkujtojmë të vërtetën për holokaustin, që të mos përsëritet asnjëherë”, shtoi Presidenti Pendarovski.
Në këtë eveniment onlajn mbajtën fjalim edhe kryetarja e bashkësisë hebraike në Maqedoninë e Veriut, Berta Romani-Nikoliq, si dhe ambasadori i Italisë në vendin tonë, Andrea Silvestri.
Në kujtim të hebrenjve maqedonas të cilët më 11 mars 1943 janë deportuar në llogoren Treblinka, sot në oborrin e Kabinetit, Presidenti Pendarovski mbolli simbolikisht fidan lisi, kurse u vendos edhe pllakë përkujtimore me mesazh “Falim, por nuk harrojmë”. Pemë lisi është mbjellë edhe në pyllin park të paqes, Amandav, në Jerusalem.