Presidentja Gordana Siljanovska Davkova në Pallatin e Apostujve pati audiencë te Kreu i Kishës Katolike Romake, Papa Leoni XIV.
Duke i uruar për përzgjedhjen e tij si papa e Kishës Katolike Presidentja Siljanovska Davkova potencoi se në këtë kohë të pasigurisë dhe polarizimit të madh në botë, fjalët e tij inkurajuese për paqe të përhershme, si dhe përpjekjet e tij për krijimin e urave të dialogut, mirëkuptimit dhe respektimit të ndërsjellë midis njerëzve dhe kombeve janë të domosdoshme.
Presidentja Siljanovska Davkova potencoi gatishmërinë e Maqedonisë për të përforcuar dhe thelluar miqësinë dhe bashkëpunimin me Vatikanin. Ajo potencoi se përkujtimi i rregullt i vëllezërve të shenjtë Kirili dhe Metodij paraqet një simbol i lidhjes shpirtërore dhe kulturore me Selinë e Shenjtë.
Presidentja Siljanovska Davkova konstatoi edhe se të dy vendet kanë lidhje të pathyeshme historike përmes besëlidhjes qytetëruese të shenjtores dhe me origjinë nga Shkupi, Nënë Tereza.
Duke kujtuar vizitën historike të Papës Françesku në vendin tonë, Presidentja Siljanovska Davkova theksoi se ende vlerësohet me përkushtimin e duhur trashëgimia e tij shpirtërore dhe diplomatike, sepse kjo ishte shprehje e afërsisë, respektim i diversitetit dhe inkurajim i dialogut midis kulturave dhe feve.
Në këtë takim, tradicionalisht u shkëmbyen dhurata, ku Presidentja i dhuroi Papës Leo XIV gdhendje të thellë me motiv “Rrush”.
