Presidenti Stevo Pendarovski në lidhje me arratisjen e ish-drejtorit të DSK-së, Sasho Mijallkov, u bën thirrje të gjitha institucioneve kompetente t’i ndërmarrin masat e domosdoshme me qëllim që të zbatohet vendimi gjyqësor për arrestim të tij.
“Ngjarjet e tilla janë të papranueshme për një vend i cili pret të fillojë negociatat për anëtarësim në Bashkimin Evropian dhe i cili punon me këmbëngulje në reformimin e sistemit gjyqësor dhe ndërtimin e besimit në shtetin juridik. Kjo i diskrediton përpjekjet dhe shpresat për ballafaqim me krimin dhe korrupsionin e lartë”, thekson Presidenti Pendarovski.
Presidenti pret që institucionet kompetente në afat sa më të shkurtër të zbatojnë hetim për zbardhjen e tërësishme të rasti dhe nëse konstatohen çfarëdo lloj lëshimesh nga institucionet kompetente të ndërmerret përgjegjësi.
Qytetarët kërkojnë përgjegjësi edhe penale edhe morale. Lufta për shtet juridik nënkupton se secili i cili ka shkelur ligjin duhet të dënohet, rekomandon Presidenti Pendarovski.
