Presidentja Gordana Siljanovska Davkova është sot në vizitë pune të Komunës së Resnjës. Si pjesë e vizitës, ajo u takua me kryetarin e komunës, Jovan Tozievski, anëtarët e Këshillit të komunës, si dhe qytetarët e Resnjës.
Ata e informuan Presidenten Siljanovska Davkova për problemet lokale, veçanërisht për çështjen e migrimit dhe largimin e të rinjve nga Resnja dhe rajoni i Prespës. U theksua edhe rëndësia e projektit “BE për Prespën”, përmes të cilit po investohen mjete financiare të konsiderueshme për zhvillimin e Resnjës, një nga komunat që ka përfitimin më të madh nga fondet europiane.
Në bisedën e drejtpërdrejtë me qytetarët, Presidentja Siljanovska Davkova dëgjoi vërejtjet dhe sugjerimet lidhur me çështjet e përditshme ekonomike, infrastrukturore dhe sociale, duke theksuar se dialogu aktiv me qytetarët është themeli i qeverisjes së përgjegjshme dhe transparente.
Presidentja Siljanovska Davkova do të vizitojë gjithashtu edhe disa institucione kulturore, si dhe fabrikën e prodhimit Swisslion Agroplod – Resnjë. Kjo thekson rëndësinë e traditës kulturore dhe inkurajimin e aktivitetit ekonomik si një nxitës i zhvillimit lokal.
Pjesa e pasdites i kushtohet debatit me përfaqësuesit e organizatave joqeveritare, institucioneve lokale dhe kombëtare, duke fokusuar mbi sfidat mjedisore dhe ruajtjen e Liqenit të Prespës si një thesar natyror dhe kombëtar.
Në vazhdim është deklarata e plotë e Presidentes SiljanovskaDakova pas një pjesë të takimeve në Resnjë.
Sigurisht që Resnja, për shumë arsye, duhet të vizitohet shumë më shpesh, jo vetëm nga presidentët, por nga të gjithë. Jo vetëm për shkak të bukurisë, jo vetëm për shkak të historisë, jo vetëm për shkak të bashkëjetesës, jo vetëm për shkak të liqenit, jo vetëm për shkak të zogjve të rrallë, jo vetëm për shkak të sarajit, jo vetëm për shkak të Tatarçevit, jo vetëm për shkak të Nade Proevës. Jam e lumtur që jam këtu, sigurisht, pse e fillova të ashtuquajturin turne tim nga Resnja? Nuk është rastësi sepse arsyeja kryesore ishte kujdesi për Liqenin e Prespës. Sigurisht, mora të dhëna të hollësishme, duke përfshirë se arsyeja kryesore nuk është përdorimi i madh dhe i pakontrolluar i ujit, por më tepër në fundosje, domethënë në natyrë, dhe se kemi pasur situata të tilla edhe më parë në histori. Por nga biseda me kryetarin e komunës, kuptova se – po, ky qytet ka një të ardhme, thjesht ka nevojë për mbështetje më të madhe. Projekti i BE-së për Prespën është vërtet jo vetëm frymëzues, por edhe një projekt themelor, se si të aktivizohet ose riaktivizohet turizmi, bujqësia, ekonomia, trajtimi i deponive dhe në fakt disa nga këto zgjidhje, mendoj se po aplikohen për herë të parë dhe mund të jenë një model në të ardhmen. Çfarë tjetër duhet bërë? – Po, duhet t’i qasemi zhvillimit kulturor, dhe gjithashtu zhvillimit ekonomik, madje edhe turizmit mjekësor, siç thonë, në mënyrë strategjike. Ohri është këtu, Resnja është këtu, liqenet janë këtu, ne duhet të hartojmë strategji me të cilën të rinjtë do të qëndrojnë këtu. Për fat të mirë, inteligjenca artificiale dhe digjitalizimi e bëjnë të mundur të jetoni këtu dhe të punoni diku tjetër, por për këtë na duhet një hap përpara.
