Presidenti Stevo Pendarovski sot, në suazat e projektit “Ballë për ballë me Presidentin” e vizitoi Komunën e Sarajit.
Presidenti Pendarovski e vizitoi kompaninë “TiAmo” që merret me përpunimin dhe prodhimin e artikujve të mishit. Në takimin me menaxhmentin Presidenti Pendarovski u njoh me gjendjen aktuale të kompanisë, planet për investime dhe zgjerim të mëtejshëm të prodhimtarisë, si dhe me planet për zgjerim të plasmanit të artikujve në vendet e rajonit.
Në suazat e vizitës në Saraj, Presidenti Pendarovski e vizitoi edhe Shoqërinë kulturore-artistike “Shqiponja”. Para Presidentit Pendarovski përfaqësuesit e kësaj shoqërie i prezantuan aktivitetet e veta, në drejtim të ruajtjes së interesit te gjeneratat e reja për krijimtarinë popullore, artistike dhe folklorike. Presidenti Pendarovski e përgëzoi për mirënjohjet e shumta të fituara dhe i dëshiroi suksese të mëtejshme kësaj shoqërie.