Presidentja Gordana Siljanovska Davkova është në një vizitë pune në Republikën e Armenisë me rastin e pjesëmarrjes në Samitin e 8-të të Komunitetit Politik Europian, që po mbahet në Jerevan nën moton “Krijimi i së ardhmes: uniteti dhe stabiliteti në Europë”.
Presidentja Siljanovska Davkova do të marrë pjesë në tryezën e rrumbullakët me temën “Përforcimi i lidhshmërisë dhe sigurisë ekonomike në kontekstin e tranzicionit të gjelbër”, e cila do të kryesohet nga kryeministrat e Kroacisë dhe Norvegjisë, Andrej Plenkovic dhe Jonas Gahr Stortorget. Në këtë diskutim pritet që të marrin pjesë edhe kryeministrat e Belgjikës, Kanadasë, Gjeorgjisë, Sllovakisë dhe Mbretërisë së Bashkuar, Kancelari Federal i Austrisë, Sekretari i Përgjithshëm i OSBE-së, si dhe Presidenti i Komisionit Europian.
Si pjesë e vizitës, Presidentja Siljanovska Davkova do të zhvillojë takim dypalësh me Presidentin e Republikës së Armenisë, Vahan Haçaturjan.
