Presidentja Gordana Siljanovska-Davkova i priti kapedanen Neda Vollçeva dhe togeren Sara Tasevska të cilat e përfunduan me sukses kursin shtatëmujor “Maneuver Captain’s Career Course“ në Xhorxhia të SHBA-së, i organizuar nga qendra amerikane për trajnime “Fort Moore”.
Në këtë takim, në të cilin morën pjesë edhe Shefi i Shtabit të Përgjithshëm të Ushtrisë, gjeneral-majori Sashko Lafçiski dhe ambasadorja amerikane Anxhela Ageler, të dyja pjesëtaret e Armatës e njoftuan presidenten Siljanovska-Davkova me fazat, përmbajtjet dhe cilësinë e trajnimit ushtarako–arsimor dhe i kanë ndarë planet, angazhimet dhe ambiciet e tyre për përparim në karrierën e mëtejshme.
“Duke e njohur tek ato potencialin për gjeneralë të ardhshëm, presidentja Siljanovska-Davkova i përgëzoi Volçevën dhe Tasevskën për trajnimin e përfunduar me sukses dhe ka shprehur bindjen e saj se ato do t’i zbatojnë njohuritë, aftësitë dhe ekspertizën e fituar në interes të Armatës së Maqedonisë së Veriut.
Sipas saj, realizimi i këtij programi paraqet një investim në partneritetin e Maqedonisës së Veriut me SHBA-në dhe është veçanërisht i rëndësishëm për promovimin e vendit si aleat besnik dhe i besueshëm në NATO.
Duke I përgëzuar rezultatet e shkëlqyera që gratë i arrijnë, bashkëbisedueset u dakorduan se pjesëmarrja e tyre në trajnimet ndërkombëtare duhet të bëhet praktikë e rregullt.
Presidentja Siljanovska-Davkova e ka riafirmuar përpjekjen e saj për formimin e Qendrës Rajonale për Përsosmëri të Grave, Paqe dhe Siguri me seli në Shkup, për shkak të promovimit të grave në sigurinë dhe mbrojten e rajonit.
