Presidentja Gordana Siljanovska Davkova priti sot Ambasadoren Japoneze Secuko Kavahara, e cila i dorëzoi urimit nga Madhëria e Tij Naruhito, Perandori i Japonisë, të dërguar me rastin e 8 shtatorit – Ditës së Pavarësisë.
Presidentja Siljanovska Davkova falënderoi për urimet e ngrohta, duke i vlerësuar ato si një shprehje të miqësisë së qëndrueshme dhe respektit të ndërsjellë midis dy vendeve.
Ambasadorja Kavahara informoi për pjesëmarrjen e suksesshme të vendit në Osaka EXPO 2025 dhe shprehu kënaqësinë e saj për programin kulturor dhe artistik me të cilin u prezantuam para publikut japonez në Ditën e Pavarësisë. Bashkëbisedueset kanë ranë dakord se artistët e famshëm të operës Ana dhe Igor Durllovski me orkestrën e dhomës “Ajga”, kitaristi i xhazit Vladimir Vasilevski – Chetkar, si dhe Kiril Dzajkovski dhe grupi i tij, prezantuan në mënyrë autentike kulturën, traditën dhe artin modern maqedonas.
Sipas të dyve, pjesëmarrja e shkëlqyer e pavijonit maqedonas në EXPO 2025 është provë e potencialit që kemi si destinacion turistik me një trashëgimi të pasur kulturore, historike dhe natyrore.
Duke riafirmuar rëndësinë e diplomacisë kulturore, Presidentja Siljanovska Davkovka shprehu kënaqësinë për vëmendjen e tërhequr nga ekspozita kushtuar arkitektit japonez Kenzo Tange dhe planit të tij për rindërtimin e Shkupit pas tërmetit të vitit 1963. Ajo gjithashtu përshëndeti interesin dhe vizitën në pavijonin maqedonas nga nxënësit e Shkollës së Mesme “Takanava” në Tokio, të cilët po studiojnë gjuhën maqedonase.
Presidentja Siljanovska Davkova falënderoi për mbështetjen dhe donacionet e përgjithshme nga Japonia dhe shprehu gatishmërinë për të ndërtuar më tej lidhje miqësore dhe për ta vazhduar bashkëpunimin brenda organizatave ndërkombëtare.
Duke iu referuar zhvillimeve aktuale globale, bashkëbisedueset kanë ranë dakord se nevojitet një reformë urgjente dhe e thellë e OKB-së për të forcuar multilateralizmin për t’iu përgjigjur sfidave reale globale.
