Presidenti Stevo Pendarovski gjatë vizitës së punës në Mbretërinë e Suedisë sot në Stokholm u takua me përfaqësues të Agjencisë Suedeze për Bashkëpunim Ndërkombëtar dhe Zhvillim – SIDA, përfaqësues të Fondacionit Nobel, si dhe të organizatave dhe të institucioneve udhëheqëse politike tink-tenk.
Në takimin me Marie Oteson, zëvendësdrejtorin e përgjithshëm të Agjencisë Suedeze për Bashkëpunim Ndërkombëtar dhe Zhvillim – SIDA, Presidenti Pendarovski u njoh me prioritetet e strategjisë së re shtatëvjeçare për bashkëpunim reformues të Mbretërisë së Suedisë për vendet e Ballkanit Perëndimor. Qëllimi i këtij programi është afrimi i këtyre vendeve me Bashkimin Evropian dhe plotësimin e aktiviteteve të BE-së të fokusuara në reformat themelore. Në këtë drejtim, Presidenti Pendarovski shprehu falënderim për Qeverinë e Mbretërisë së Suedisë për ndihmën që shteti ynë do ta marrë për përparim në shumë fusha midis të cilave janë të drejtat e njeriut, demokracia, sundimi i të drejtës dhe barazia gjinore, zhvillimi i qëndrueshëm ekologjik dhe klimatik dhe zhvillimi inkluziv ekonomik.
Përfaqësuesit e Fondacionit Nobel, përsëri, me Presidentin Pendarovski biseduan mbi aktivitetet e ndarjes së këtij viti të Çmimit Nobel. Vidar Helgesen, drejtori ekzekutiv i Fondacionit Nobel e informoi Presidentin Pendarovski mbi programet edukative për nxënësit dhe arsimtarët qëllimi i të cilave është të shërbejnë si inspirim për gjeneratat e ardhshme që të fitojnë njohuri dhe ta kuptojnë dhe ta përmirësojnë botën.
Në takimin me përfaqësuesit e organizatave dhe institucioneve udhëheqëse politike dhe me organizatat tink-tenk Presidenti Pendarovski shprehu falënderim për zhvillimin dhe mbështetjen e vazhdueshme zhvillimore të Mbretërisë së Suedisë mbi përforcimin e kapaciteteve të institucioneve të Maqedonisë së Veriut, sidomos në fushën e demokracisë dhe sundimit të të drejtës.
Presidenti Pendarovski e theksoi, gjithashtu, edhe rolin e fonacioneve, institucioneve dhe organizatave tink-tenk politike suedeze në zhvillimin institucional dhe demokratizimin e brendshëm të partive politike dhe edukimit politik.
