Presidenti Stevo Pendarovski, sot në Davos, u takua me Xhozef Shtiglic, profesor në Universitetin Kolumbia në SHBA dhe fituesin e Çmimit nobël për ekonomi.
Në këtë takim u bisedua për rrjedhat ekonomike botërore, për rimëkëmbjen socioekonomike nga pandemia dhe për sfidat e reja me të cilat po ballafaqohet ekonomia globale për shkak të invazionit ushtarak të Rusisë mbi Ukrainën.
Bashkëfolësit shkëmbyen mendime edhe për daljet e mundshme nga kriza në ekonominë globale, zmadhimin e shkallës së inflacionit dhe për trysnitë e çmimeve, implikimet makroekonomike në nivel botëror, mbi ekonominë evropiane dhe te ne, si dhe mbi ndikimin e politikës.
Presidenti Pendarovski e përshëndeti Iniciativën për dialog politik, të cilën e udhëheq Shtiglic, kurse qëllimi i të cilës është të ndihmojë vendet në zhvillim që t’i hulumtojnë alternativat e politikës ekonomike dhe të mundësojnë pjesëmarrje qytetare më të gjerë në krijimin e politikave ekonomike.
