Presidenti i Republikës së Maqedonisë së Veriut, Stevo Pendarovski sot priti deputetët e Parlamentit Evropian, kryetarin e grupit parlamentar “Renew Europe” DaçianÇollosh dhe Ilhan Kjuçuk, korrespondent për Maqedoninë e Veriut dhe anëtar i grupit parlamentar “Renew Europe”.
Në takim u këmbyen mendime për aspiratat e Republikës së Maqedonisë së Veriut për anëtarësimin në BE. Presidenti Pendarovski theksoi rëndësinë e mbështetjes parimore nga Parlamenti Evropian për procesin e zgjerimit të Unionit me vendet e Ballkanit Perëndimor dhe mbajtjes së çështjes së agjendës.
Presidenti Pendarovski riafirmoi pritjen e shtetit se metodologjia e re për zhvillimin e bisedimeve aderuese do të miratohet gjatë muajit mars, me çka do të hapet mundësia për fillimin e negociatave për anëtarësim gjatë kryesimit të Kroacisë me Unionin.
Në takim gjithashtu u këmbyen mendime edhe për zhvillimet aktuale në Republikën e Maqedonisë së Veriut, për zgjedhjet e parakohshme parlamentare.