Presidenti i Republikës së Maqedonisë së Veriut, Stevo Pendarovski sot priti kryetarin e Kuvendit të Republikës së Maqedonisë së Veriut, Talat Xhaferin.
Në takim, bashkëbiseduesit këmbyen mendime për gjendjet e përgjithshme në vend dhe pritshmëritë për vitin e ardhshëm. Presidenti Pendarovski dhe kryeparlamentari, Xhaferi në takim biseduan edhe për aktivitetet e ardhshme në procesin e formimit dhe funksionimit të Qeverisë kalimtare, për zbatimin e zgjedhjeve të parakohshme parlamentare, respektivisht për obligimet e të dy institucioneve në këtë proces.
Presidenti i shtetit, Pendarovski dhe kryetari i Kuvendit, Xhaferi u pajtuan që në vitin kur presim përfundim të anëtarësisë së plotë në NATO dhe caktimin e datës për fillimin e bisedimeve aderuese me BE-në, konfirmim për kapacitetin demokratik të Maqedonisë së Veriut, duhet të jetë zbatimi i zgjedhjeve të parakohshme parlamentare në prill 2020, me atmosferë korrekte dhe demokratike.
