Presidenti i Republikës së Maqedonisë së Veriut, Stevo Pendarovski sot priti kryesuesin e Komitetit ushtarak të NATO-s, mareshalin e aviacionit Stjuart Piç, i cili po qëndron për vizitë zyrtare në Republikën e Maqedonisë së Veriut.
Në takim u këmbyen mendime dhe informacione për proceset vijuese të shtetit, para anëtarësisë së ardhshme në Aleancën e NATO-s.
Në takim, presidenti Pendarovski është informuar për gjendjen aktuale në Irak dhe Lindjen e Afërt.
Me anëtarësimin e plotë në NATO, theksoi presidenti Pendarovski, realizohet një nga prioritetet kryesore strategjike të Maqedonisë së Veriut, të përkufizuara nga fillimi i pavarësisë së saj.
Kontributi në misionet ndërkombëtare dhe trajnimet në krye me NATO-n, sipas presidentit Pendarovski, janë dëshmi që Armata jonë është e gatshme të kontribuojë në sistemin kolektiv për sigurinë e Aleancës.
Presidenti Pendarovski e riafirmoi mbështetjen për reforma të mëtutjeshme në Armatë dhe rritjen e buxhetit në 2% të PBV-së deri në vitin 2024.
Në takim u vërtetua mbështetja që e ofron Aleanca për fazën e ardhshme të përmbylljes së integrimit të vendit tonë në NATO dhe u tha se Republika e Maqedonisë së Veriut nga një partner i rëndësishëm bëhet aleat në Aleancë.