Presidenti Stevo Pendarovski, sot në takim lamtumire e priti Keiko Hanedan, ambasadoren e Japonisë në Republikën e Maqedonisë së Veriut.
Në këtë takim u bisedua mbi marrëdhëniet miqësore midis dy shteteve të cilat në vitet e kaluara shënojnë zhvillim, ku është shprehur pritja për thellimin e mëtejshëm të tyre në të gjitha sferat e interesit të përbashkët, sidomos në planin ekonomik.
Bashkëfolësit konstatuan se Japonia është mbështetës i madh i vendit tonë për integrimin në strukturat euroatlantike dhe jep rëndësi të madhe për stabilitetin dhe për prosperitetin e Evropës Juglindore, ku zhvillimi stabil i Republikës së Maqedonisë së Veriut ka rol të rëndësishëm.
Presidenti Pendarovski e falënderoi për ndihmën e përhershme financiare-teknike të cilën Japonia ia jep shtetit tonë që nga pavarësimi deri më sot, ku u theksua mbështetja japoneze për modernizimin dhe përparimin e sektorit shëndetësor, që në kushtet kur ballafaqohemi me pandeminë e shkaktuar nga kovid-19 është tejet e vyer.
Duke e falënderuar për angazhimin e deritanishëm ambasadoren Keiko Haneda, e cila ishte njëkohësit edhe ambasadori i parë rezident i Japonisë në Republikën e Maqedonisë së Veriut, Presidenti Pendarovski i uroi suksese në angazhimin e saj të mëtejshëm profesional.
