Presidenti Stevo Pendarovski, sot në një takim lamtumire e priti ambasadorin e Rumanisë, Viorel Stanilla.
Të dy bashkëbiseduesit shkëmbyen mendime mbi ngjarjet e tërësishme politike në vend, si dhe mbi sfidat aktuale politike dhe ekonomike me të cilat po ballafaqohet rajoni i Evropës Juglindore gjatë pandemisë globale.
Në këtë takim janë konstatuar marrëdhëniet e mira bilaterale midis dy vendeve dhe përpjekja për intensifikim të bashkëpunimit të ndërsjellë në të gjitha sferat ku ekziston potencial dhe interes i përbashkët.
Presidenti Pendarovski e falënderoi ambasadorin Stanilla për aktivitetet dhe angazhimin e tij të deritanishëm diplomatik në vend dhe i uroi suksese në punën e mëtejshme.
