Presidenti Stevo Pendarovski, sot, me kërkesën e tyre, i priti përfaqësuesit e grupit prej 14 kandidatësh të paraqitur në shpalljen publike për pranim në gjeneratën VII të dëgjuesve në trajnimin fillestar në Akademinë për Gjykatës dhe Prokurorë Publikë “Pavell Shatev” – Shkup, të cilët nuk u gjendën në listën përfundimtare për pranim.
Në këtë takim, ku mori pjesë edhe drejtoresha e Akademisë, Natasha Gaber-Damjanovska, përfaqësuesit e grupit të kandidatëve e shprehën pakënaqësinë që nuk u gjendën në listën përfundimtare të pranimit të 60 kandidatëve të pranuar për trajnimin fillestar, pasi Këshilli Drejtues i Akademisë përcaktoi kuotë për përfaqësuesit e bashkësive që nuk janë shumicë në Republikën e Maqedonisë së Veriut.
Presidenti Pendarovski u bëri thirrje palëve të prekura të gjejnë zgjidhje për gjendjen e ndodhur, në përputhje me Kushtetutën dhe ligjet, kurse të respektohen edhe parimet për mosdiskriminim, përfaqësim të drejtë dhe adekuat.
