Presidenti Stevo Pendarovski sot i mirëpriti kryepeshkopin Kirill Vasill, administrator i dioqezës në Koshice, Henrik Markush, ambasadorin e Republikës Sllovake në Republikën e Maqedonisë së Veriut, Frantishek Rabek, kryetar i Konferencës Ipeshkvnore Sllovake dhe Stojan Lekoski, përkthyes letrar dhe bibliografin maqedonas i cili mbi 15 vjet jeton dhe punon në Sllovaki.
Në këtë takim që u mbajt me rastin e promovimit të botimin bibliografik të Proklamimit të Konstantin Filozofit – Shën. Kirili në gjuhën e vjetër sllave, në gjuhën sllovake dhe në gjuhën maqedonase, kurse në prag të festimit të veprës së shenjtorëve Kiril dhe Metodij, u bisedua mbi rëndësinë e kultivimit të lidhjes kulturore-shpirtërore midis Maqedonisë së Veriut dhe Sllovakisë, si parakusht për marrëdhëniet miqësore dhe ndërtim të respektit dhe mirëkuptimit të ndërsjellë.
Presidenti Pendarovski shprehu kënaqësinë për lidhjet e fuqishme, politike, historike dhe kulturore midis Maqedonisë së Veriut dhe Sllovakisë dhe theksoi se shteti ynë e vlerëson lart përkushtimin dhe mbështetjen e fuqishme nga Sllovakia në lidhje me integrimet tona evropiane. Presidenti shprehu pritjen për dinamizimin e mëtejshëm të bashkëpunimit midis dy shteteve në fushat e interesit të përbashkët.
Bashkëfolësit në këtë takim rekomanduan se afirmimi dhe popullarizimi i gjuhës bashkëkohore maqedonase, letërsisë dhe kulturës në Sllovaki kontribuon në përparimin e marrëdhënieve miqësore midis Republikës së Maqedonisë së Veriut dhe Republikës Sllovake.
