Takimi i bashkëshortes së Presidentit Gjorgievska me dizajneren Sara Rexhiq

10 Dhjetor 2020 | Kumtesat

Bashkëshortja e Presidentit të Republikës së Maqedonisë së Veriut, Elizabeta Gjorgievska, sot në “Të rinjtë Hab” – Zyra e Presidentit u takua me dizajneren e veshjeve dhe aksesorëve të modës Sara Rexhiq.

Në këtë takim Rexhiq e njohu Gjorgievskën me aktivitetet e saj si dhe me sfidat me të cilat ballafaqohen dizajnerët modernë, për shkak të pandemisë me kovid-19. Duke pasur parasysh se ky profesion është një nga më të goditurit nga kriza, Gjorgievska tha se është e domosdoshme nxitje e fuqishme, dhe në këto kushte të jashtëzakonshme, dizajnerët tanë të vazhdojnë ta kultivojnë dhe pasurojnë shprehjen e vet kreative dhe artistike. Në këtë kontekst Gjorgievska theksoi se do të vazhdojë t’i mbështesë vazhdimisht projektet e kreatorëve të rinj, sipërmarrjen dhe bizneset e vogla.

Rexhiq e njohu bashkëshorten e Presidentit me qasjen në krijimin e veshjeve, e cila në pjesën më të madhe është punim dore. Dizajnerja Sara në këtë takim theksoi se këmbëngul që krijimet e saj të jenë të qasshme për një numër sa më të madh grash.

Duke e falënderuar Gjorgievskën për mbështetjen në promovimin e aktiviteteve të dizajnerëve të rinj, Rexhiq prezantoi një pjesë të kreacioneve të saj të modës në “Të rinjtë Hab” – Zyra e Presidentit.

 

 

Категории

Categories

Kategori

Последни вести

Latest news

Lajmet e fundit

Presidenti Pendarovski u takua me maratonistin Dario Ivanovski

Presidenti Pendarovski u takua me maratonistin Dario Ivanovski

Presidenti Stevo Pendarovski sot në parkun e qytetit në Shkup u takua me maratonistin Dario Ivanovski, i cili para disa ditësh vendosi rekord të ri maqedonas në maratonën në Sevilja, Spanjë, si dhe me trajnerin dhe menaxherin e tij, Igor Jakimovskin dhe atletin Zhan...