Presidenti Stevo Pendarovski sot e priti ambasadorin jorezident të Republikës së Finlandës për Republikës së Maqedonisë së Veriut, Kimo Lahdevirta, ku janë shkëmbyer mendime mbi marrëdhëniet bilaterale, mundësitë mbi përparimin e bashkëpunimit, si dhe mbi luftën në Ukrainë dhe gjendjen e sigurisë në Evropë.
Presidenti Pendarovski e falënderoi për mbështetjen e deritanishme nga Finlanda në lidhje me eurointegrimet maqedonase, duke theksuar se politika kredibile e zgjerimit dhe perspektiva evropiane janë garanci e rëndësishme dhe investim në paqe, stabilitet dhe prosperitet në Ballkan.
Në lidhje me agresionin rus, Presidenti e riafirmoi qëndrimin se Republika e Maqedonisë së Veriut e dënon fuqishëm sulmin e armatosur të pajustifikuar ndaj Ukrainës, si sulm ndaj rendit të përgjithshëm ndërkombëtar.
Në këtë takim u shkëmbyen mendime mbi aktivitetet e ndërmarra në kuadër të krizës së refugjatëve dhe sigurimin e mbështetjes dhe të ndihmës për qytetarët ukrainas, si dhe mbi situatën aktuale në rajonin skandinav dhe në Finlandë, si fqinj i drejtpërdrejtë i Rusisë.
