Presidenti Stevo Pendarovski sot e priti ambasadorin e Federatës Ruse, Sergej Bazdnikin.
Në këtë takim të dy bashkëfolësit shkëmbyen mendime mbi marrëdhëniet e tërësishme bilaterale midis dy shteteve në sferat e interesit të përbashkët.
Presidenti Pendarovski dhe ambasadori Bazdnikin shkëmbyen informacione mbi gjendjet në të dy vendet në kontekst të pandemisë kovid-19, si dhe mbi ballafaqimin me pasojat në planin shëndetësor, ekonomik dhe social.
Ambasadori Bazdnikin, në prag të Ditës së Pavarësisë, 8 Shtatorit, Presidentit Pendarovski i dorëzoi urimin e Presidentit të Federatës Ruse, Vlladimir Putin. Në vijim po e japim tekstin e integruar të urimit nga Presidenti rus:
“I nderuar zoti Presidenti,
Pranoni urimet me rastin e festës nacionale të vendit Tuaj – Ditës së Pavarësisë.
Jam i bindur se përparimi i bashkëpunimit konstruktiv bilateral midis Federatës Ruse dhe Republikës së Maqedonisë së Veriut do të ishte në interes të popujve tanë, do të kontribuonte në përforcimin e sigurimit dhe stabilitetit në Ballkan.
Ju uroj sinqerisht shëndet të mirë dhe suksese, kurse të gjithë qytetarëve Tuaj u uroj paqe dhe mirëqenie.
Me respekt,
V. Putin.”
