Presidenti Stevo Pendarovski e mirëpriti Azaj Gulijev, nënkryetarin e Kuvendit parlamentar të OSBE-së dhe përfaqësuesin special për Evropën Juglindore.
Në këtë takim u bisedua mbi bashkëpunimin e përgjithshëm në vend me këtë organizatë, si dhe mbi përgatitjet aktuale për kryesimin e Republikës së Maqedonisë së Veriut me OSBE-në në vitin 2023.
Presidenti Pendarovski referoi mbi rolin e rëndësishëm të Kuvendit Parlamentar të OSBE-së dhe përpjekjet e tyre që të kultivohet një dialog i frytshëm ndërparlamentar për çështjet lidhur me angazhimin e OSBE-së, si dhe të promovohen qëllimet e organizatës.
Në raport me përgatitjet për kryesimin me OSBE-në në vitin 2023, Presidenti Pendarovski theksoi se puna jonë do të bazohet në vullnetin e mirë, dialogun dhe mirëkuptimin e ndërsjellë në mbrojtjen dhe promovimin e parimeve dhe angazhimeve të OSBE-së. Prioritetet e kryesimit, tha Presidenti Pendarovski në këtë takim, do të harmonizohen me agjendën aktuale të OSBE-së, me prioritetet nacionale dhe rajonale, kurse, gjithashtu, do të merren parasysh sfidat globale aktuale dhe trendet lidhur me punën e organizatës.
Në takim u bisedua mbi gjendjet aktuale në rajonin më të gjerë, kurse në kontekst me agresionin rus mbi Ukrainën.
