Presidenti Stevo Pendarovski kishte takim joformal me bashkëshorten dhe të bijën e akademikut Gligor Çemerski, një nga artistët më të rëndësishëm bashkëkohorë maqedonas dhe autor i dy mozaikëve të vendosur në Kabinetin e Presidentit.
Në këtë takim u bisedua mbi krijimtarinë e vyeshme artistike të akademikut Çemerski e inspiruar nga ekspresionizmi dhe ikonat ortodokse me të cilat ka lënë gjurmë në artin bashkëkohor maqedonas.
Diptiku i madhërishëm “Maqedonia – vend i ndritshëm” dhe “Maqedonia – kujton” i zbukurojnë të dy muret që janë njëri përkundrejt tjetrit në Sallën Mozaik në Kabinetin e Presidentit. Në mozaikun e parë paraqitet bukuria dhe jeta në vendin tonë nga kohërat e lashta e deri në ditët e sotme dhe përmban tre diej, amfiteatro dhe maska, surle dhe daulle, botën bimore, ndërsa mozaiku i dytë e paraqet trashëgiminë kulturore me imazhet e shenjtorëve Kiril dhe Metodi, si dhe shenjtorëve Kliment dhe Naumi, alfabetin cirilik dhe gllagolik, lojtari nga Stobi i inkuadruar në trupat gjeometrikë rreth dhe katror, si dhe lokaliteti Kokino. Delegacione dhe të ftuar të shumtë të huaj që kanë ardhur në Kabinetin e Presidentit nëpërmjet këtyre mozaikëve janë njohur me artin dhe pasurinë kulturore të vendit tonë.
