Presidenti Stevo Pendarovski sot e mirëpriti delegacionin e Bankës Botërore të udhëhequr nga Ana Bjerde, nënkryetarja e Bankës Botërore për Evropën dhe Azinë Qendrore.
Bashkëfolësit biseduan mbi portofolin e Bankës Botërore për rajonin e Ballkanit Perëndimor dhe Maqedonisë së Veriut, projektet aktuale dhe planet në afat të mesëm.
Në këtë takim u fol për ngjarjet politike dhe ekonomike në rajonin më të gjerë dhe mbi sfidat nga invazioni rus mbi Ukrainën dhe për ekonominë globale. Bashkëfolësit shkëmbyen mendime për projeksione për zhvillimin e vendeve nga rajoni gjatë këtij viti, si dhe projeksionet e ekonomisë globale dhe stabilitetin financiar.
Delegacioni i Bankës Evropiane po qëndron në Maqedoninë e Veriut me rastin e pjesëmarrjes në Konferencën e dytë vjetore të Ministrisë së Financave.