Presidenti Stevo Pendarovski sot e mirëpriti Karin Jemtim, drejtoreshën e përgjithshme të Agjencisë suedeze për bashkëpunim ndërkombëtar – Sida.
Në këtë takim u fol mbi aktivitetet e përgjithshme të kësaj Agjencie në Republikën e Maqedonisë së Veriut, projektet e realizuara dhe ato në vijim, si dhe mbi planet në suazat e strategjisë rajonale për bashkëpunim me vendet e Ballkanit Perëndimor në periudhën e re programore 7-vjeçare, që filloi në vitin 2021.
Presidenti Pendarovski e falënderoi për mbështetjen e përgjithshme që Mbretëria e Suedisë nëpërmjet Sidas e jep në përparimin e proceseve reformuese në Maqedoninë e Veriut, kurse në funksion të përparimit të shtetit drejt integrimit në Bashkimin Evropian.
Presidenti Pendarovski foli edhe mbi rëndësinë e mbështetjes zhvillimore në sferën e energjetikës, mbrojtjes së mjedisit jetësor, zhvillimit ekonomik lokal, por edhe të projekteve nga fusha e mbrojtjes së të drejtave të njeriut dhe zhvillimit demokratik me theks në çështjet gjinore, grupet e pakicave dhe politikat për antikorrupsioni.
